Առաջաբան և թեմաները (Գովազդը և ուղեղը)
Հարգելի ընթերցող,
Կարճ խոսենք այս համալիր գիտության վերաբերյալ գիրք հրատարակելու նպատակի և Ձեզ համար նրա հնարավոր օգտակարության մասին։
Մարդու վարքագծի ֆիզիոլոգիական հիմքերի և բացատրությունների անբավարար իմացությունը միշտ խանգարում էր մեզ կանխորոշել ուղեղի վրա ներգործելու հավանականությունը և ան-վստահություն էր պատճառում բովանդակության կառուցման փուլում։ Յուրաքանչյուր գովազդի հրապարակումից առաջ միշտ հաշվի էին առնվում կարծիքներ, որոնք հիմնականում դրական էին, քանի որ մարդիկ հազվադեպ էին բարձրաձայնում բացասականը, ինչն էլ անսպասելի անարդյունա-վետության էր հանգեցնում։
Գիտենք, որ կարծիքները կարող են լինել կողմնակալ՝ հիմնված պահանջմունքներով պայմանավորված ընկալումների, նախկին փորձի, տրամադրվածության և հոգեբանական պրոյեկցիաների վրա: Ուստի հասկացանք, որ նախնական փուլում արդյունքների մասին մոտավոր պատկերացում կազմելու համար այլ մեթոդներ են պետք, և որոշեցինք ուսումնասիրել չափագրման տեխնոլոգիաներ, որոնք կօգնեին մինչև գովազդի հրապարակումը բացահայտել, թե ինչը կարող է «սխալ գնալ», օրինակ՝ մարդը ինչ չի նկատում (ինչը առանց տեխոնոլգիայի անհնար է իմանալ), գովազդը՝ որպես խթան, հուզական ինչ հակազդումներ է առաջացնում և հիշողության մեջ ինչ հետքեր է թողնում:
Այս և մի շարք այլ հարցերի պատասխանները ստանալու և տեղի ունեցող բոլոր պրոցեսներին ու մեխանիզմներին ծանոթ լինելու համար սկսեցինք հոգեֆիզիոլոգիա ուսումնասիրել։ Հասկացանք, որ եթե, օրինակ, որոնողական համակարգերի արդյունքային էջում առաջինը հայտնվելու համար ալգորիթմների պահանջով կոնկրետ գործողությունների շարք պիտի իրագործվի, ապա ուղեղում առաջինը հայտնվելու համար (Top of mind) գլխավոր գործոններից մեկը հիշողությունում թողած հետքերն են, և բրենդինգը դասական պայմանավորման համանման օրինակ է, եթե դիտարկենք նոր շուկա մտնող, ի սկզբանե իրենից նշանակություն չներկայացնող չեզոք խթանը` լոգոն, որը, կապվելով մարքեթինգային գործողությունների հետ, մեծ նշանակալիություն է ձեռք բերում:
Հաշվի առնելով, որ ոչ կամային ուշադրության հիմքը կազմում է կողմնորոշային ռեֆլեքսը` սկսեցինք ուսումնասիրել ուշադրության ու ընտրության մոդելները և կատարել հետազոտություններ՝ նախ գովազդի արդյունավետության մեծացման, ապա նաև տեսական գիտելիքները փորձով ամրապնդելու համար:
Մի խոսքով, խորասուզվելով մի շարք գիտությունների մեջ` մարքեթինգ, հոգեֆիզիոլգիա, նեյրոէկոնոմիկա, կատարելով մի շարք սկզբնաղբյուրների ուսումնասիրություններ և գրանցելով ակնհայտ հաջողություններ՝ որոշեցինք հավաքագրել ստացված արդյունքները, թարգմանել ու դրանցով կիսվել մասնագետների հետ, քանի որ այս համալիր գիտության ուսումնասիրությունը ավելի գիտահեն, ինքնավստահ և անսխալական է դարձնում սպառողների հետ աշխատանքում:
Բարի ընթերցում, թեպետ կխոստովանենք, որ այն մի փոքր լարում կպահանջի:
Կազմեց Արթուր Ասատրյանը
Խմբագրեց Արմինե Հակոբյանը
Թեմաները (Գովազդը և ուղեղը)
- Աչքերի շարժման մշակութային տարբերությունները տեսարանի ընկալման ժամանակ
- Աչքերի շարժումների կամային վերահսկում. Յարբուս
- Որոշումների կայացման ժամանակ աչքերի շարժումների վերաբերյալ տեսություններ
- Նեյրոգիտության և մարքեթինգի ընդհանուր նկարագիրը
- Մարքեթինգի և նեյրոգիտության հարաբերակցությունը
- Գլխուղեղ
- Նեյրոններ
- Միջնորդանյութեր
- Նեյրոմարքեթինգը և պարգևի համակարգը
- Բիոմետրիկ և նեյրոմետրիկ չափագրություններ
- Տեսողական ուշադրություն
- Տեսողական ընկալում, ուշադրություն
- Ակնագրության տեխնոլոգիաները և արդյունքների վերլուծությունը
- Աչքի շարժումը բնական վարքագծում
- Կոնտեքստից կախված նեյրոնալ ակտիվացում: Փաստեր տեսողական սովորությունների վերաբերյալ
- Աչքի շարժման դրդումը պարգևի հեռանկարով
- Ուշադրությունը և աշխատանքային հիշողությունը
- Որոշման տեսությունները (ռացիոնալ մոդել, սահմանափակ ռացիոնալության մոդել, փաստերի հավաքագրման մոդել, երկփուլային մոդել)
- Էվրիստիկաներ
- Ակտիվության հակազդում
- Հույզեր
- Բիբը՝ որպես ակտիվության հակազդման չափման միջոց
- Ուղեղի խորքային բաժինները
- Երկակի պրոցեսների տեսություն
- Իմպուլսիվ սպառում
- Սպառողի նեյրոգիտության՝ բրենդինգի հետ ուղղակիորեն կապված ուսումնասիրությունների ընդհանուր պատկերը
- Բրենդինգը և ուղեղը
- Բրենդի էքսպլիցիտային հիշողություն
- Հիշողության դինամիկ բնույթը
- Նեյրոէկոնոմիկան՝ որպես համալիր գիտություն
- Նեյրոէկոնոմիկան և որոշումների կայացման տեսությունները
- Պոչավոր կորիզը: Գնումներ, մարքեթինգ և որոշում
- Ինչպե՞ս են մարդիկ զգում մաքուր շահումով և մաքուր կորստով վիճակախաղերը
- Ընկալման որոշման ընդունումը մարդու ուղեղում
- Դիֆուզիոն մոդելը և գնահատման պրոցեսը
- Բնածին պատասխաններ հուզական խթաններին
- Հարճակատային կեղևը և որոշման արժեքները
- Հույզեր և էվրիստիկաներ
- Հույզեր, գիտակցություն և օպտիմալ որոշումներ
- Կանխատեսվող ազդեցության մոդելը
- Սոցիալական համագործակցության նեյրոնալ հիմքը
- «Բանտարկյալի երկընտրանք»-ը` որպես համագործակցության մոդել
- Հայելանման նեյրոններ: Նպատակների ընկալումը սիմուլյացիաների միջոցով